ပြည်ထောင်စုတရားလွှတ်တော်ချုပ်မှ Video Conferencing ဖြင့် စီရင်ချက်များချမှတ်

The Supreme Court of the Union/ Naypyitaw / December 01, 2020

နေပြည်တော် ဒီဇင်ဘာ ၁

ပြည်ထောင်စုတရားလွှတ်တော်ချုပ်တွင် ကြားနာပြီးဖြစ်သော မှုခင်းများကို ယနေ့နံနက် ၀၉း၃၀ အချိန်က Video Conferencing ဖြင့်စီရင်ချက်များ ချမှတ်ခဲ့သည်။

စီရင်ချက်များကို ရုံးခန်းအမှတ်(၂)၌ ပြည်ထောင်စုတရားလွှတ်တော်ချုပ်တရားသူကြီးများ ဖြစ်ကြသည့် ဦးသာဌေး နှင့် ဦးခင်‌မောင်ကြည်တို့က ရာဇဝတ်ဆိုင်ရာအမှု(၃၁)မှုကို လည်းကောင်း၊ ရုံးခန်းအမှတ်(၃)၌ ပြည်ထောင်စုတရားလွှတ်တော်ချုပ် တရားသူကြီး ဦးမြဟန်က တရားမဆိုင်ရာအမှု (၂၅)မှု ကိုလည်းကောင်း ချမှတ်ခဲ့သည်။

ကျန်ရှိနေသည့် ကြားနာပြီးမှုခင်းများအတွက်လည်း ယခင်ထုတ်ပြန်ကြေညာထားသည့်အတိုင်း သတ်မှတ်ရက်များတွင် စီရင်ချက် ချမှတ်ဆောင်ရွက်သွားမည်ဖြစ်ပြီး စီရင်ချက် ချမှတ်နေမှုများကို ပြည်ထောင်စုတရားလွှတ်တော်ချုပ်၏ website ဖြစ်သည့် http://www.unionsupremecourt.gov.mm နှင့် facebook စာမျက်နှာ https://web.facebook.com/ousc.publicrelation တို့မှ Live Streaming ထုတ်လွှင့်သွားမည်ဖြစ်ပါ၍ တိုက်ရိုက်ဝင်ရောက်ကြည့်ရှုနိုင်မည်ဖြစ်ပါသည်။