ကိုဗစ်-၁၉ ရောဂါ ကာကွယ်ဆေး မန္တလေးမြို့တွင် စတင်ထိုးပေးနေပြီး အများပြည်သူတို့ကိုလည်း ဆက်လက်ထိုးနှံပေးသွားမည်
ကိုဗစ်-၁၉ ရောဂါ ကာကွယ်ဆေး မန္တလေးမြို့တွင် စတင်ထိုးပေးနေပြီး အများပြည်သူတို့ကိုလည်း ဆက်လက်ထိုးနှံပေးသွားမည်
Mandalay Region Government/ Mandalay / January 28, 2021
၂၀၂၁ ခုနှစ်၊ ဇန်နဝါရီလ ၂၇ ရက်
ကိုဗစ်-၁၉ရောဂါ ကာကွယ်ထိန်းချုပ်ရေးလုပ်ငန်းတွင် ရှေ့တန်းမှ တာဝန်ယူဆောင်ရွက်နေသည့် ကျန်းမာရေးဝန်ထမ်းများကို ထိုးနှံပေးနိုင်ရန်အတွက် ကိုဗစ်-၁၉ရောဂါ ကာကွယ်ဆေးများ ဇန်နဝါရီလ ၂၇ ရက်တွင် မန္တလေးသို့ ပထမအကြိမ်ရောက်ရှိလာသဖြင့် စတင်ထိုးပေးနေပြီဖြစ်ပြီး အများပြည်သူတို့ကိုလည်း သတ်မှတ်ထားသည့် အစီအစဉ်များအတိုင်း ဆက်လက်ထိုးနှံ ပေးသွားမည်ဖြစ်သည်။
မြန်မာနိုင်ငံသို့ အိန္ဒိယနိုင်ငံမှ ပေးပို့လာသည့် အဆိုပါ ကာကွယ်ဆေးများအား ကျန်းမာရေးနှင့် အားကစားဝန်ကြီးဌာန၏အစီအစဉ်ဖြင့် ရန်ကုန်အပြည်ပြည်ဆိုင်ရာလေဆိပ်မှ မန္တလေး အပြည်ပြည်ဆိုင်ရာလေဆိပ်သို့ လေကြောင်းခရီးစဉ်ဖြင့် ပို့ဆောင်ပေးခဲ့ခြင်းဖြစ်ပြီး ဇန်နဝါရီလ၊ ၂၇ ရက်၊ နံနက် ၉နာရီခွဲတွင် ရောက်ရှိလာရာ မန္တလေးတိုင်းဒေသကြီးဝန်ကြီးချုပ်ဒေါက်တာ ဇော်မြင့်မောင်၊ အစိုးရအဖွဲ့ အတွင်းရေးမှူး နှင့် တိုင်းဒေသကြီး ပြည်သူ့ကျန်းမာရေးနှင့် ကုသရေး ဦးစီးဌာနမှ တာဝန်ရှိသူများက လေဆိပ်တွင်သွားရောက်လက်ခံ၍ ကာကွယ်ဆေးများအား စနစ်တကျသိုလှောင်ခြင်းနှင့် ထိုးနှံခြင်းများဆောင်ရွက်နိုင်ရန် အစီအစဉ်များကို ဆွေးနွေးခဲ့သည်။
ထို့နောက် မွန်းလွဲပိုင်းတွင် ဝန်ကြီးချုပ်နှင့် အစိုးရအဖွဲ့ အဖွဲ့အစည်းဝင်များသည် မြို့တော်ခန်းမ (၁) တွင် အောင်မြေသာစံ၊ ချမ်းအေးသာစံ၊ မဟာအောင်မြေ၊ ချမ်းမြသာစည်နှင့် ပြည်ကြီးတံခွန်မြို့နယ် အသီးသီးတို့မှ ဆရာဝန်၊ သူနာပြုများနှင့် ကျန်းမာရေးဝန်ထမ်း ၁၅၀ ကျော်အား ကိုဗစ်-၁၉ ရောဂါ ကာကွယ်ဆေး ထိုးနှံပေးနေမှုကိုလည်းကောင်း၊ ဆေးတက္ကသိုလ်(မန္တလေး)တွင် သင်ကြားရေး ဆိုင်ရာ ကျန်းမာရေးဝန်ထမ်း ၂၀၀ ဦးတို့အား ကိုဗစ်-၁၉ရောဂါ ကာကွယ်ဆေး ထိုးနှံပေးနေမှုတို့ကို လည်းကောင်း သွားရောက်ကြည့်ရှုပြီး ကာကွယ်ဆေးထိုးနှံပေးနေကြသော ဆရာဝန်များနှင့် ကာကွယ်ဆေးထိုးမှုခံယူနေကြသည့် ကျန်းမာရေးဝန်ထမ်းများအား မုဒိတာစကားနှင့် အားပေး စကားပြောကြားခဲ့သည်။
“ကာကွယ်ဆေးကို ပြည်သူတွေထိုးပေးဖို့အစကတည်းက ရည်မှန်းချက်ရှိပါတယ်၊ တိုင်းပြည်ရဲ့ ဘဏ္ဍာရေးအခြေအနေနဲ့ဘယ်လောက်အထိထိုးပေးနိုင်မလဲတွက်ချက်ရပါတယ်၊ ဌာနဆိုင်ရာ ဘတ်ဂျက်ကို ကိုဗစ်ကာကွယ်ဆေးအတွက်ဆိုပြီးပုံပြီးပေးရပါတယ်၊ ဒါနဲ့တင်မပြီးပါဘူး၊ လုပ်ပေးစရာတွေအများကြီးကျန်ပါသေးတယ်၊ ကိုဗစ်-၁၉ရောဂါ ကာကွယ်ဆေးကို ပထမဆုံး ကျန်းမာရေးဝန်ထမ်းတွေစပြီး ထိုးခွင့်ရတာကို အစိုးရအဖွဲ့ကမုဒိတာပွားပါတယ်၊ ဒီကာကွယ်ဆေး က Riskများတဲ့သူတွေကိုစထိုးတာ၊ ကိုဗစ်-၁၉ရောဂါက တစ်ကမ္ဘာလုံးအတွက် အသစ်အဆန်းပါ၊ ပထမဦးစားပေးက ကျန်းမာရေးဝန်ထမ်းတွေပါ၊ ကာကွယ်ဆေးထိုးပြီးတော့လည်း သိပ်ပြီးတော့ အတင့်မရဲကြဖို့ မေတ္တာရပ်ခံချင်ပါတယ်၊ ကျန်တဲ့မိသားစုဝင်တွေအတွက်လည်း ကူးစက်မှု ရှိနိုင်ပါသေးတယ်၊ ဒုတိယအကြိမ်ကာကွယ်ဆေးမထိုးခင်အထိတော့ အနေအထိုင် ဆင်ခြင်ရမယ် လို့ သဘောပေါက်ပါတယ်၊ စီးပွားရေးနာလန်ပြန်ထဖို့ဆိုရင် ကာကွယ်ဆေး အရေးကြီးပါတယ်၊ ကျွန်တော်တို့နိုင်ငံကာကွယ်ဆေးရတာစောပါတယ်၊ ကျန်းမာရေးဝန်ထမ်းတွေ အလုပ်နဲ့သက်သေပြ ကြရမှာပါ၊ ကာကွယ်ဆေးထိုးပြီးပြီဆိုရင် တတ်နိုင်သမျှ ပြည်သူကို ပြန်စောင့် ရှောက်ပေးကြဖို့ မေတ္တာရပ်ခံလိုပါတယ်”ဟု မန္တလေးတိုင်းဒေသကြီး ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုန့်ပြန်ရေးကော်မတီဥက္ကဋ္ဌ၊ တိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က ပြောသည်။
ဇန်နဝါရီလ ၂၇ ရက် ရောက်ရှိလာသော ကိုဗစ်-၁၉ရောဂါ ကာကွယ်ဆေးအရေအတွက်မှာ ၁၇၄၁ လုံးဖြစ်ပြီး ဆေးတစ်လုံးလျှင် လူဦးရေ ၁၀ဦးထိုးနှံနိုင်မည်ဖြစ်ကြောင်း၊ မန္တလေးတိုင်းဒေသကြီးရှိ ကျန်းမာရေး ဝန်ထမ်းပေါင်း ၁၅၆၈၉ ဦးကို ဇန်နဝါရီလ ၂၇ ရက်မှစ၍ သတ်မှတ်ထားသော လူဦးရေ အတိုင်း ထိုးနှံပေးသွားမည်ဖြစ်ကြောင်းသိရသည်။
“ကာကွယ်ဆေးထိုးပြီးတော့ဖြစ်လာမယ့် နောက်ဆက်တွဲ(AEFI) ကို ဂရုတစိုက်နဲ့ ဆောင်ရွက် မှာ ဖြစ်ပါတယ်၊ အကယ်၍ AEFI ဖြစ်ပေါ်လာရင် အချိန်မီကုသမှုပေးနိုင်ဖို့ဆေးရုံမှာ နေရာတွေ ပြင်ဆင်ထားတယ်၊ ကုသမှုပေးနေမယ့်Teamအဖွဲ့တွေတော့ဖွဲ့ထားတယ်၊ ဆေးရုံအခြေပြုမှာပါ၊ ဖြစ်လာရင်လည်း အချိန်မီကုသမှုပေးနိုင်မှာ ဖြစ်ပါတယ်၊ နိုင်ငံတကာမှာထိုးလာတဲ့ အတွေ့အကြုံ အရတော့ minor လောက်ပဲ ဖြစ်ပါတယ်၊ ထိုးတဲ့နေရာလေးနာမယ်၊ ရောင်မယ်၊ နည်းနည်းလေး ကိုယ်လက်ကိုက်ခဲတာလောက်ပဲ ရှိပါတယ်၊ ကြီးကျယ်ပြသာနာရှိတာတော့မတွေ့ခဲ့ဘူး၊ ပထမတစ်ကြိမ် ကာကွယ်ဆေး ထိုးပြီးတာနဲ့ ၂၈ရက်အကြာမှာ ဒုတိယတစ်ကြိမ် ထပ်မံထိုးပေးမှာ ဖြစ်ပါတယ်၊ ဒီကာကွယ်ဆေးက ပြောင်းလို့မရပါဘူး၊ ဒီကာကွယ်ဆေးကိုထိုးမယ်ဆိုရင် နောက်တစ်ကြိမ်မှာလည်း ဒီကာကွယ်ဆေးကိုထိုးကြရမှာဖြစ်ပါတယ်” ဟု မန္တလေးတိုင်းဒေသကြီး ပြည်သူ့ကျန်းမာရေးနှင့် ကုသရေးဦးစီးဌာနမှူး ဒေါက်တာသန်းသန်းမြင့်က ပြောသည်။
မြန်မာနိုင်ငံအနေဖြင့် ကိုဗစ်ကာကွယ်ဆေးရရှိရန် COVAX Facility သို့အဆိုပြုခြင်း၊ နိုင်ငံတော် အစိုးရဘဏ္ဍာငွေဖြင့် ဝယ်ယူခြင်း၊ နိုင်ငံအစိုးရအချင်းချင်း ချစ်ကြည်ရေးအစီအစဉ်ဖြင့် လက်ခံ ရရှိခြင်း စသည့်နည်းလမ်းများဖြင့် အရည်အသွေးမြင့်မား၍ လုံခြုံစိတ်ချရသော ကာကွယ်ဆေးများ ကို ရရှိရန် ကြိုးပမ်းခဲ့ကြောင်း၊ အိန္ဒိယနိုင်ငံအစိုးရမှ မြန်မာနိုင်ငံသို့ အိမ်းနီးချင်းနိုင်ငံအချင်းချင်း ချစ်ကြည်ရင်းနှီးမှုဖြင့် ပေးအပ်သော COVISHIELD / Astrazeneca ကာကွယ်ဆေးအရေအတွက် ၁ ဒသမ ၅သန်းကို ၂၀၂၁ခုနှစ် ဇန်နဝါရီလ ၂၂ရက်နေ့တွင် လက်ခံရရှိပြီး ဖြစ်ကြောင်း၊ နိုင်ငံတော် ဘဏ္ဍာငွေဖြင့်COVISHIELD / Astrazeneca ကာကွယ်ဆေးအကြိမ် dose အရေအတွက် သန်း ၃၀ ကို ဝယ်ယူထားပြီးဖြစ်ကာ လာမည့်ဖေဖော်ဝါရီလ ပထမပတ်အတွင်း ကာကွယ်ဆေးအကြိမ်ရေ ၂သန်းခန့် ကနဦး ရောက်ရှိလာမည်ဖြစ်ကြောင်း၊ COVAX Facility မှ ကာကွယ်ဆေးများသည် မတ်လတွင် စတင်၍လည်းကောင်း၊ နိုင်ငံတော်ဘဏ္ဍာငွေဖြင့် ဝယ်ယူထားသော ကာကွယ်ဆေးများ သည် ဧပြီလတွင်လည်းကောင်း လစဉ်အသုတ်လိုက် ဆက်လက်ရရှိသွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ သတင်းထုတ်ပြန်ချက်အရ သိရသည်။
“အခု ကာကွယ်ဆေးကတော့ အသစ်ထိုးတဲ့အပေါ်မှာတော့ စိတ်လှုပ်ရှားမှုသိပ်မရှိပါဘူး၊ ကာကွယ် ဆေးရဲ့ အကျိုးသက်ရောက်မှုကိုတော့ အနည်းနဲ့အများ လေ့လာထားပါတယ်၊ ဆေးထိုးပြီး နောက်ပိုင်း နာရီဝက်လောက်နားနေတယ်ဆိုတာကလည်း ဆေးရဲ့သက်ရောက်မှု အခြေအနေ အတွက်ပါ၊ တုတ်ကွေး ကာကွယ်ဆေးတွေ ဘယ်ကာကွယ်ဆေးထိုးထိုး တစ်ဦးနဲ့တစ်ဦး တုန့်ပြန်မှု ခြင်းမတူပါဘူး၊ ပြည်သူတွေအနေနဲ့လည်းကာကွယ်ဆေးထိုးတာကို အရမ်းကြီး မကြောက်ကြဖို့လို ပါတယ်၊ ကာကွယ်ဆေးက အသစ်လည်းဖြစ် အခုမှစထိုးကြတာဆိုတော့ ဘယ်သူကမှ မသိသေး ဘူး၊ လူတိုင်း safe ဖြစ် မဖြစ်စောင့်ကြည့်ရမှာပါ ” ဟု ကာကွယ်ဆေးထိုးနှံမှု ခံယူသူ ဒေါက်တာနီလာကျော်ဝင်းက ပြောသည်။
ကိုဗစ်-၁၉ ကာကွယ်ဆေးထိုးနှံခြင်းကို ကိုဗစ်-၁၉ ရောဂါ ကာကွယ်ထိန်းချုပ်ရေးလုပ်ငန်းတွင် ရှေ့တန်းမှ တာဝန်ဆောင်ရွက်နေသော ကျန်းမာရေး ဝန်ထမ်းများနှင့် စေတနာ့ဝန်ထမ်းများကို ဇန်နဝါရီ ၂၇ရက်မှစတင်၍ ထိုးနှံပေးပြီး ပြည်သူ့လွှတ်တော်ကိုယ်စားလှယ်များကို ဇန်နဝါရီ ၂၉ရက်တွင် လည်းကောင်း၊ အမျိုးသားလွှတ်တော်ကိုယ်စားလှယ်များနှင့် တပ်မတော်သား လွှတ်တော်ကိုယ်စားလှယ်များကို ဇန်နဝါရီလ ၃ဝရက်တွင်လည်းကောင်း ထိုးနှံပေးသွားမည် ဖြစ်ကြောင်း၊ နိုင်ငံတစ်ဝန်း ကိုဗစ်-၁၉ ကာကွယ်ဆေးထိုးနှံခြင်းလုပ်ငန်းကို လာမည့် ဖေဖော်ဝါရီလ ၅ရက်မှ စတင်ဆောင်ရွက်သွားမည်ဖြစ်ပြီး ပြည်ထောင်စုအဆင့်၊ တိုင်းဒေသကြီး၊ ပြည်နယ်အဆင့် အစိုးရအဖွဲ့ဝင်များကိုလည်း ပြည်သူနှင့်အတူ ထိုးနှံသွားမည်ဖြစ်ပါသည်။
ထိုသို့ထိုးနှံရာတွင် မိမိအိမ်တွင် နေထိုင်ရေးအစီအစဉ်(Stay at Home)တွင် အကျုံးဝင်သော မြို့ နယ်များ၌နေထိုင်ပြီး အသက်ကြီးသူများ၊ အခြားရောဂါအခံရှိသူများနှင့် ရောဂါရရှိမှုလွယ်သော လူအုပ်စုများကို ဦးစားပေး ထိုးနှံပေးသွားမည်ဖြစ်ကြောင်း၊ ကာကွယ်ဆေးရရှိမှု အရေအတွက်ပေါ် မူတည်ပြီး Stay at Homeအစီအစဉ်တွင် အကျုံးဝင်သောမြို့နယ်များအနက် ကူးစက်ဖြစ်ပွားမှု များပြားသော မြို့နယ်များ နေရာဒေသများကို ဦးစားပေးရွေးချယ် ထိုးနှံပေးသွားမည်ဖြစ်ကြောင်း၊ ဆက်လက်ရရှိလာမည့် ကာကွယ်ဆေးအရေအတွက်ပေါ်မူတည်၍ ကျန်လူအုပ်စုများကိုလည်း ဦးစားပေး အစီအစဉ်အလိုက်ဆက်တိုက်ထိုးနှံ ပေးသွားမည်ဖြစ်ပါသည်။
- Ministry of Defense
- Ministry of Home Affairs
- Ministry of Foreign Affairs
- Ministry of Union Government Office (1)
- Ministry of Union Government Office (2)
- Ministry of Border Affairs
- Ministry of Planning and Finance
- Ministry of Investment and Foreign Economic Relations
- Ministry of International Cooperation
- Ministry of Legal Affairs
- Ministry of Information
- Ministry of Religious Affairs & Culture
- Ministry of Agriculture, Livestock and Irrigation
- Ministry of Transport and Communications
- Ministry of Natural Resources & Environmental Conservation
- Ministry of Electric Power
- Ministry of Energy
- Ministry of Industry
- Ministry of Immigration & Population
- Ministry of Labour
- Ministry of Commerce
- Ministry of Education
- Ministry of Science and Technology
- Ministry of Sports and Youth Affairs
- Ministry of Construction
- Ministry of Social Welfare, Relief & Resettlement
- Ministry of Hotel & Tourism
- Ministry of Ethnic Affairs
- Ministry Testing -TRT
- Ministry of NN
- Ministry of TT
- Ministry of HH
- Ministry of PP
- CHAW EI MYAT THU (Ministry)
- AyeMyatThu (Testing)
- Ministry of ITCS
- Test Ministry by SL 2
- Ministry of Saint (104)
- Ministry of GPMS
- Ministry of Haymann Soe
- CZ ဝန်ကြီးဌာန