ပြည်ထောင်စုတရားလွှတ်တော်ချုပ်ရုံးနှင့် အခွန်အယူခံခုံအဖွဲ့ရုံးတို့၏ အသိပညာမျှဝေပေးခြင်း အစီအစဉ်ကျင်းပပြုလုပ် (၃-၇-၂၀၂၄ ရက်၊ နေပြည်တော်)

အခွန်အယူခံခုံအဖွဲ့/ နေပြည်တော် / July 25, 2024

ပြည်ထောင်စုတရားလွှတ်တော်ချုပ်ရုံးနှင့် အခွန်အယူခံခုံအဖွဲ့ရုံးတို့၏ အသိပညာမျှဝေပေးခြင်းအစီအစဉ် ( Knowledge Sharing Program ) ကို ၂၀၂၄ ခုနှစ်၊ ဇူလိုင်လ ၃-၇-၂၀၂၄ ရက် (ဗုဒ္ဓဟူးနေ့)၊ နံနက် (၁၀:၀၀)နာရီတွင် အခွန်အယူခံခုံအဖွဲ့ရုံး၊ ရုံးအမှတ်(၅၇)၊ နေပြည်တော်ရှိ စုပေါင်းခန်းမ၌ ကျင်းပရာ အခွန်အယူခံခုံအဖွဲ့ ဥက္ကဋ္ဌ ဦးမြင့်ဦး က တက်ရောက် အမှာစကားပြောကြားပါသည်။

ယင်းအစီအစဉ်သို့ အခွန်အယူခံခုံအဖွဲ့ အဖွဲ့ဝင်များ၊ အခွန်အယူခံခုံအဖွဲ့ရုံး ညွှန်ကြားရေးမှူးချုပ် နှင့် အရာထမ်း၊ အမှုထမ်းများ တက်ရောက်ခဲ့ကြပါသည်။

အသိပညာမျှဝေပေးခြင်းအစီအစဉ်တွင် ပြစ်မှုဆိုင်ရာဥပဒေနှင့် တရားမဥပဒေတို့၏ ခြားနားချက်များ၊ သက်သေခံအထောက်အထားများ လက်ခံသိမ်းဆည်းခြင်း၊ ပြန်လည်ပေးအပ်ခြင်း၊ ဖျက်ဆီးခြင်းဆိုင်ရာ လုပ်ထုံးလုပ်နည်းများ၊ လွှဲအပ်မှုများ လက်ခံကြားနာခြင်းဆိုင်ရာ လုပ်ထုံးလုပ်နည်းများ၊ ပြင်ဆင်မှုများ ကြားနာဆုံးဖြတ်ခြင်းဆိုင်ရာ လုပ်ထုံးလုပ်နည်းများနှင့် စီရင်ချက်ရေးသားခြင်းဆိုင်ရာ လုပ်ထုံးလုပ်နည်းများကို ပြည်ထောင်စုတရားလွှတ်တော်ချုပ်၊ ဒုတိယညွှန်ကြားရေးမှူးချုပ် ဒေါ်အေးအေးမော်နှင့် သက်ဆိုင်ရာဌာန ညွှန်ကြားရေးမှူးများက ရှင်းလင်းပြောကြားရာ တက်ရောက်လာသူများက သိရှိလိုသည်များအား စိတ်ပါဝင်စားစွာ မေးမြန်းဆွေးနွေးခဲ့ကြကြောင်း သိရှိရပါသည်။