၂၀၂၃ ခုနှစ် အောက်တိုဘာလ ၉ ရက်နေ့တွင် ကျရောက်သည့် ကမ္ဘာ့စာပို့တိုက်နေ့ အထိမ်းအမှတ်ပိုစတာ “စိတ်ချယုံကြည် တွဲလက်ညီ (Together for Trust)”

Ministry of Transport and Communications/ Naypyitaw / January 10, 2024

ကမ္ဘာ့စာပို့တိုက်သမဂ္ဂ (UPU) သည် ၂၀၂၃ ခုနှစ်၊ အောက်တိုဘာလ (၉) ရက်နေ့တွင် ကျရောက်သည့် ကမ္ဘာ့စာပို့တိုက်နေ့ကို့ ဂုဏ်ပြုသည့်အနေဖြင့် “ စိတ်ချယုံကြည် တွဲလက်ညီ (Together for Trust) ” ခေါင်းစဉ်ဖြင့် ပိုစတာကို ထုတ်ပြန်ခဲ့ပါသည်။

ကမ္ဘာ့စာပို့တိုက်သမဂ္ဂ (UPU) မှ ထုတ်ပြန်သော ပိုစတာဒီဇိုင်းတွင် စာပို့တိုက်ကဏ္ဍတွင် ပါဝင်ဆောင်ရွက်နေသူများအနေဖြင့် ကမ္ဘာ့လုပ်ငန်းစဉ်များတွင် ပူးပေါင်းပါဝင် လုပ်ဆောင် ပေးနေသည့် စည်းလုံးညီညွတ်မှုနှင့် ပူးပေါင်းဆောင်ရွက်မှုကို ကိုယ်စားပြုသည့် လက် နှစ်ချောင်းကို အပြန်အလှန် လက်တွဲနှုတ်ဆက်နေသည့်ဟန် ပုံဖော်ထားပြီး နောက်ခံအရောင် ဖြစ်သည့် ခရမ်းရောင်သည် တီထွင်ဖန်တီးနိုင်မှု၊ ဉာဏ်ပညာနှင့် စည်းလုံးညီညွှတ်မှု တို့ကို ကိုယ်စားပြုပါသည်။ ထို့အပြင် pixel တစ်ခုစီသည် ကမ္ဘာတစ်ဝှမ်းရှိ များစွာသော စာတိုက် ရုံးများကို ကိုယ်စားပြု၍ ကမ္ဘာ့စာပို့တိုက်ဝန်ဆောင်မှုလုပ်ငန်းများ ဆောင်ရွက်နေခြင်းကို ကိုယ်စားပြု ပုံဖော်ထားခြင်းဖြစ်ပါသည်။

ပိုစတာကို အနီးကပ်ကြည့်ရှုသည့်အခါ pixel တစ်ခုစီသည် ကမ္ဘာ့စာပို့တိုက်ဝန်ဆောင်မှု လုပ်ငန်းများရှိ စာတိုက်ရုံးတစ်ခုစီ၏ အရေးကြီးသော ပံ့ပိုးကူညီမှုများအတွက် သက်သေခံ ချက် တစ်ခုအဖြစ်လည်းကောင်း အ‌ဝေးမှကြည့်ရှု့ပါက pixel များသည် ပိုမိုကြီးမားသော ပုံသို့ ပေါင်းစည်းသွား၍ အတူတကွ လုပ်ဆောင်ခြင်း၏ အရေးပါမှုကိုလည်းကောင်း တွေ့မြင် နိုင်ပါသည်။

ထို့အပြင် နောက်ခံစာသားအနေဖြင့် Collaborating for a safe and connected future ( လုံခြုံ ချိတ်ဆက် အနာဂတ်အတွက် ပူးပေါင်းလက်တွဲ ဖော်ဆောင်ရွက် )ကို ထည့်သွင်း၍ စာပို့တိုက်ဝန်ဆောင်မှုလုပ်ငန်းများသည် သုံးစွဲသူများ အဆင်ပြေလွယ်ကူချောမွေ့စေရန် စာပို့တိုက်ကွန်ယက်များ ပူးပေါင်းဆောင်ရွက်မှုနှင့် စည်းလုံးညီညွှတ်မှုကို အခြေခံကာ အချင်းချင်း အပြန်အလှန် ချိတ်ဆက်မှုများပြုလုပ်ခြင်းဖြင့် ယုံကြည်မှုကို အခြေခံသည့် တိုးတက်မှုများကို ရရှိစေနိုင်မည်ဖြစ်ကြောင်း ပုံဖော်ထားခြင်းဖြစ်ပါသည်။

၂၀၁၅ ခုနှစ်၊ ဇန်နဝါရီလ (၁၅) ရက်နေ့တွင် ကျင်းပပြုလုပ်သော ပြည်ထောင်စု မြန်မာနိုင်ငံတော် အစိုးရအဖွဲ့ အစည်းအဝေး အမှတ်စဉ် ( ၂/ ၂၀၁၅ ) အရ ဆက်သွယ်ရေးနှင့် အချက်အလက်နည်းပညာ ဝန်ကြီးဌာန၊ ဝန်ကြီးရုံး၏ အမိန့်ကြော်ညာစာ အမှတ် (၉/၂၀၁၅) ဖြင့် သတင်း အချက်အလက် နည်းပညာနှင့် ဆိုက်ဘာလုံခြုံရေးဦးစီးဌာနကို ၂၀၁၅ ခုနှစ်၊ ဧပြီလ (၁) ရက်နေ့မှ စတင်၍ တည်ထောင် ဖွဲ့စည်းခဲ့ပါသည်။

သတင်းအချက်အလက်နည်းပညာနှင့် ဆိုက်ဘာလုံခြုံရေ ဦးစီးဌာန အနေဖြင့် ဌာနဆိုင်ရာ အသီးသီးမှ အကောင်အထည်ဖေါ် ဆောင်ရွက်ထား သည့် e-Government လုပ်ငန်းစဉ်များအား အကျိုးရှိရှိ ပေါင်းစပ် အသုံးပြုနိုင်ရေး၊ လုပ်ငန်းစဉ် အသစ်များအား လေ့လာ၍ စီမံကိန်း အသစ်များ ရေးဆွဲအကောင်အထည် ဖေါ်ဆောင်ရေး၊ သတင်း အချက်အလက် ဆက်သွယ်ရေး နည်းပညာ (ICT) စံနှုန်းများ သတ်မှတ်နိုင်ရေး၊ လိုအပ်သည့် ဥပဒေများ ပြဌာန်းနိုင်ရေး၊ ပြဌာန်းထားသည့် ဥပဒေနှင့်အညီ သတင်းအချက်အလက် ဆက်သွယ်ရေးနည်းပညာနှင့် ဆိုက်ဘာ လုံခြုံရေး လုပ်ငန်းများ စနစ်တကျကြီးကြပ်၍ အကောင်အထည်ဖေါ် ဆောင်ရွက်နိုင်ရေးနှင့် အဖွဲ့အစည်း၊ ဌာနဆိုင်ရာ အချင်းချင်းတို့အား ညှိနှိုင်းဆောင်ရွက်ပေးနိုင်ရေးတို့အတွက် ရည်ရွယ်၍ အောက်ဖေါ်ပြပါ ဌာနခွဲ(၈)ခုဖြင့် တည်ထောင် ဖွဲ့စည်းခဲ့ခြင်းဖြစ်ပါသည်။

သတင်းလုံခြုံရေးဌာန

လုံခြုံမှုစစ်ဆေးရေးဌာန

စီမံ/ဘဏ္ဍာ/ထောက်ပံ့ရေးဌာန

e-Government ဌာန

ဥပဒေ/နိုင်ငံတကာ/ပြန်ကြားရေးဌာန

အမျိုးသားဆိုက်ဘာလုံခြုံရေးဗဟိုဌာန

ဂြိုဟ်တုဆက်သွယ်ရေးဌာန

သင်တန်းကျောင်း