လင်းခေးတွင် ဗုဒ္ဓဘာသာဝင်များ အထွတ်အမြတ်ထားရာ စေတီပုထိုးများ၊ ဗုဒ္ဓဆင်းတုတော်များအား ဖျက်ဆီးစော်ကားနေသည့် သောင်းကျန်းသူများ၊ သာသနာဖျက်မိစ္ဆာများအား ရှုတ်ချကန့်ကွက်ဆန္ဒဖော်ထုတ်သည့်အခမ်းအနား ကျင်းပ

Ministry of GPMS/ Naypyidaw / January 17, 2024

ရှမ်းပြည်နယ်တောင်ပိုင်း၊ လင်းခေးမြို့နယ်တွင် ဗုဒ္ဓဘာသာဝင်များ အထွတ်အမြတ်ထားရာ စေတီပုထိုးများ၊ ဗုဒ္ဓဆင်းတုတော်များအား ဖျက်ဆီးစော်ကားနေသည့် အကြမ်းဖက်သောင်းကျန်းသူများ၊ သာသနာဖျက်မိစ္ဆာများအား ရှုတ်ချကန့်ကွက်သည့် ဆန္ဒထုတ်ဖော်ပွဲကို ယမန်နေ့နံနက် ၈ နာရီက မြို့နယ်ပြည်ငြိမ်းအေးအားကစားကွင်း၌ ကျင်းပခဲ့သည်။

အဆိုပါပွဲအား မြို့နယ်အတွင်းရှိ ပြည်သူလူထုစုပေါင်းအင်အား (၈၂၀) ဦးတို့ဖြင့် မြို့နယ်နွယ်ဝတီခန်းမရှေ့မှ စတင်ကာ မြို့တွင်းလမ်းအတိုင်း ကြွေးကြော်သံများဖြင့် ငြိမ်းချမ်းစွာ လှည့်လည်ဆန္ဒဖော်ထုတ်ခဲ့ကြသည်။ ဆက်လက်၍ မြို့နယ်အားကစားကွင်းတွင် သံဃာတော်များ ပရိတ်တရားရွတ်ခြင်း၊ ပြည်သူတစ်ဦးက အဆိုပါရှုတ်ချကန့်ကွက်ဆန္ဒဖော်ထုတ်ပွဲ ပြုလုပ်ရခြင်းများနှင့် ပတ်သက်၍ ဟောပြောခဲ့သည်။

ယင်းနောက်တက်ရောက်လာကြသူအားလုံးက ဗုဒ္ဓဘာသာဝင်များ ကိုးကွယ်ယုံကြည်ကြသည့် ဘုရား၊ စေတီ၊ ဗုဒ္ဓဆင်းတုတော်များအား ဖျက်ဆီးသူ ဒို့ရန်သူ၊ ဗုဒ္ဓဘာသာကို အကြမ်းဖက် ဖျက်ဆီးနေသော လူသတ်မိစ္ဆာသူပုန်များအား ရှင်းလင်းရေး ဒို့အရေး၊ ဘုရား၊ စေတီ၊ ဗုဒ္ဓဆင်းတုတော်များအား ဖျက်ဆီးသော ပြည်ဖျက်မိစ္ဆာသောင်းကျန်းသူများ ကျဆုံးပါစေစသည့် ကြွေးကြော်သံများနှင့်အတူ နိုင်ငံတော်အလံ၊ သာသနာအလံများ ကိုင်ဆောင်လျက် ဆန္ဒဖော်ထုတ်ခဲ့ကြကြောင်း သိရသည်။

လင်းခေးသား

၂၀၁၅ ခုနှစ်၊ ဇန်နဝါရီလ (၁၅) ရက်နေ့တွင် ကျင်းပပြုလုပ်သော ပြည်ထောင်စု မြန်မာနိုင်ငံတော် အစိုးရအဖွဲ့ အစည်းအဝေး အမှတ်စဉ် ( ၂/ ၂၀၁၅ ) အရ ဆက်သွယ်ရေးနှင့် အချက်အလက်နည်းပညာ ဝန်ကြီးဌာန၊ ဝန်ကြီးရုံး၏ အမိန့်ကြော်ညာစာ အမှတ် (၉/၂၀၁၅) ဖြင့် သတင်း အချက်အလက် နည်းပညာနှင့် ဆိုက်ဘာလုံခြုံရေးဦးစီးဌာနကို ၂၀၁၅ ခုနှစ်၊ ဧပြီလ (၁) ရက်နေ့မှ စတင်၍ တည်ထောင် ဖွဲ့စည်းခဲ့ပါသည်။

သတင်းအချက်အလက်နည်းပညာနှင့် ဆိုက်ဘာလုံခြုံရေ ဦးစီးဌာန အနေဖြင့် ဌာနဆိုင်ရာ အသီးသီးမှ အကောင်အထည်ဖေါ် ဆောင်ရွက်ထား သည့် e-Government လုပ်ငန်းစဉ်များအား အကျိုးရှိရှိ ပေါင်းစပ် အသုံးပြုနိုင်ရေး၊ လုပ်ငန်းစဉ် အသစ်များအား လေ့လာ၍ စီမံကိန်း အသစ်များ ရေးဆွဲအကောင်အထည် ဖေါ်ဆောင်ရေး၊ သတင်း အချက်အလက် ဆက်သွယ်ရေး နည်းပညာ (ICT) စံနှုန်းများ သတ်မှတ်နိုင်ရေး၊ လိုအပ်သည့် ဥပဒေများ ပြဌာန်းနိုင်ရေး၊ ပြဌာန်းထားသည့် ဥပဒေနှင့်အညီ သတင်းအချက်အလက် ဆက်သွယ်ရေးနည်းပညာနှင့် ဆိုက်ဘာ လုံခြုံရေး လုပ်ငန်းများ စနစ်တကျကြီးကြပ်၍ အကောင်အထည်ဖေါ် ဆောင်ရွက်နိုင်ရေးနှင့် အဖွဲ့အစည်း၊ ဌာနဆိုင်ရာ အချင်းချင်းတို့အား ညှိနှိုင်းဆောင်ရွက်ပေးနိုင်ရေးတို့အတွက် ရည်ရွယ်၍ အောက်ဖေါ်ပြပါ ဌာနခွဲ(၈)ခုဖြင့် တည်ထောင် ဖွဲ့စည်းခဲ့ခြင်းဖြစ်ပါသည်။

သတင်းလုံခြုံရေးဌာန

လုံခြုံမှုစစ်ဆေးရေးဌာန

စီမံ/ဘဏ္ဍာ/ထောက်ပံ့ရေးဌာန

e-Government ဌာန

ဥပဒေ/နိုင်ငံတကာ/ပြန်ကြားရေးဌာန

အမျိုးသားဆိုက်ဘာလုံခြုံရေးဗဟိုဌာန

ဂြိုဟ်တုဆက်သွယ်ရေးဌာန

သင်တန်းကျောင်း