တနင်္သာရီတိုင်းဒေသကြီးအစိုးရအဖွဲ့ဝန်ကြီးချုပ် ဦးမြင့်မောင် ထားဝယ်မြို့၊ သီတဂူ အာရောဂျဒါနဆေးရုံတော်ကြီးတွင် ကုသမှုခံယူနေသော မျက်စိဝေဒနာရှင်များအား ကြည့်ရှုအားပေး

တနင်္သာရီတိုင်းဒေသကြီးအစိုးရအဖွဲ့ဝန်ကြီးချုပ် ဦးမြင့်မောင် ထားဝယ်မြို့၊ သီတဂူ အာရောဂျဒါနဆေးရုံတော်ကြီးတွင် ကုသမှုခံယူနေသော မျက်စိဝေဒနာရှင်များအား ကြည့်ရှုအားပေး

ထားဝယ်  ဒီဇင်ဘာ  ၂၆

တနင်္သာရီတိုင်းဒေသကြီး၊ ထားဝယ်မြို့၊ သီတဂူအာရောဂျဒါန ဆေးရုံတော်ကြီးတွင် (၁၆)ကြိမ်မြောက် ကျန်းမာရေး အလှူတော်ကို သီတဂူဆရာတော်ကြီး၏ အစီအစဉ်ဖြင့် သီတဂူရွှေပြည်ဟိန်းဆရာတော်ကြီးက ဦးဆောင်၍ သမားတော်ကြီး ဒေါက်တာမြအောင်ဦးဆောင်သော သီတဂူရွှေပြည်ဟိန်း စက္ခုဒါန ဆေးရုံတော်ကြီးမှ အထူးကုဆရာဝန်များ၊ ထားဝယ်မြို့ အထူးကုဆရာဝန်များနှင့်အဖွဲ့သည် ယနေ့နံနက်ပိုင်းမှစ၍ မျက်စိဝေဒနာရှင် ( ၆၁ )ဦးအား ခွဲစိပ်ကုသပေးခဲ့ကြောင်း သိရသည်။

ထို့နောက် တိုင်းဒေသကြီးအစိုးရအဖွဲ့ဝန်ကြီးချုပ် ဦးမြင့်မောင်၊ တိုင်းဒေသကြီးလွှတ်တော်ဥက္ကဋ္ဌ ဦးခင်မောင်အေး၊ တိုင်းဒေသကြီးအစိုးရအဖွဲ့ဝင်ဝန်ကြီးများနှင့် ဌာနဆိုင်ရာတာဝန်ရှိသူများက ကုသမှုခံယူနေသော မျက်စိဝေဒနာရှင်များအား ကြည့်ရှုအားပေးစကားပြောကြားပြီး သီတဂူအာရောဂျဒါန ဆေးရုံတော်ကြီးတွင် အလှူငွေများ ထည့်ဝင်လှူဒါန်းခဲ့သည်။

သီတဂူရွှေပြည်ဟိန်း စက္ခုဒါန ဆေးရုံတော်ကြီးမှ အထူးကုဆရာဝန်များအဖွဲ့သည် ( ၃၀-၁၂-၂၀၁၉) ရက်နေ့အထိ ခွဲစိတ်ကုသပေးမည်ဖြစ်ကြောင်း၊ မျက်စိဝေဒနာရှင် (၂၆၀)ဦး လာရောက်စာရင်းပေးသွင်းထားကြောင်းနှင့် ရဟန်း၊ သာမဏေ၊ သီလရှင်၊ ယောဂီပုဂ္ဂိုလ်၊ လူပုဂ္ဂိုလ်တို့၏ စက္ခုအလင်းအတွက် ဆရာတော်ကြီးနှင့်အတူ ကုသိုလ်ရှင်များက လိုအပ်သော ဆေးဝါးနှင့် ဝေယျာဝစ္စအတွက် အလှူငွေများကို သီတဂူဆေးရုံတော်နှင့် ထားဝယ် KBZ ဘဏ်စာရင်း အမှတ် - ၀၄၇၁၂၂၀၀၀၆၄၆၂ သို့ ထည့်သွင်း၍ဖြစ်စေ လှူဒါန်းနိုင်ကြောင်း သိရသည်။

ကျော်ကျော်လတ် (ပြန်/ဆက်)