ပြည်ထောင်စုဝန်ကြီး ဒေါက်တာဝင်းမြတ်အေး ဥရောပသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ်အား လက်ခံ တွေ့ဆုံ

ကဏ္ဍများ





ပြည်ထောင်စုဝန်ကြီး ဒေါက်တာဝင်းမြတ်အေး ဥရောပသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ်အား လက်ခံ တွေ့ဆုံ

Ministry of Information/ ​နေပြည်တော် / June 13, 2019
image_latest


နေပြည်တော် ဇွန် ၁၃

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေးသည် ဥရောပသမဂ္ဂ၏ လူ့အခွင့်အရေးဆိုင်ရာ အထူးကိုယ်စားလှယ် Mr. Eamon Gilmore ဦးဆောင်သော အဖွဲ့အား ယနေ့ နံနက်ပိုင်းတွင် အဆိုပါ ဝန်ကြီးဌာန မေခလာခန်းမ၌ လက်ခံတွေ့ဆုံသည်။

ထိုသို့တွေ့ဆုံစဉ် ကလေးသူငယ်များနှင့် လက်နက်ကိုင်ပဋိပက္ခများနှင့်စပ်လျဉ်း၍  ဆိုးရွားသော ကျူးလွန်မှု (၆)မျိုးကို ကာကွယ်ရန် အမျိုးသားကော်မတီဖွဲ့စည်းဆောင်ရွက်နေမှု၊ ပဋိပက္ခအတွင်း အမျိုးသမီးများအား အကြမ်းဖက်မှုဆိုင်ရာ ပူးတွဲကြေငြာချက် (Joint Communiqe) အား အကောင် အထည်ဖော်ရေး ဆောင်ရွက် နေမှုများ၊ ရခိုင်ပြည်နယ်တည်ငြိမ် အေးချမ်းရေးနှင့် ဖွံ့ဖြိုးတိုးတက်ရေး အတွက် UEHRD အပါအဝင် သက်ဆိုင်ရာ ကော်မတီ အသီးသီးနှင့် ပြည်ထောင်စုအစိုးရ၊ ပြည်နယ်အစိုးရတို့မှ ညှိနှိုင်းဆောင်ရွက်နေမှုများ၊ ဘင်္ဂလားဒေ့ရှ် နိုင်ငံဘက်သို့ရောက်ရှိနေသော နေရပ်စွန့်ခွာသူများအား ပြန်လည်လက်ခံရေး ဆောင်ရွက်နေမှု နောက်ဆုံး အခြေအနေများ၊ ပြန်လည်လက်ခံရေး လုပ်ငန်းစဉ်များတွင် အာဆီယံနိုင်ငံများမှ ပါဝင် ဆောင်ရွက် မည့် အနေအထားနှင့် ပူးပေါင်းဆောင်ရွက်မည့် အခြေအနေများ၊ မြန်မာနိုင်ငံတစ်ဝန်းလုံးရှိ နေရပ်စွန့်ခွာ သူများ အတွက် ကယ်ဆယ်ရေးစခန်းများကို ပိတ်သိမ်းနိုင်ရေးအတွက် အမျိုးသားအဆင့်မဟာဗျူဟာရေးဆွဲ ဆောင်ရွက် နေမှုပြီးစီး တော့မည့်အခြေအနေများ၊ ကချင်ပြည်နယ်ရှိ ကယ်ဆယ်ရေးစခန်းများပိတ်သိမ်းနိုင်ရေးနှင့် ပြန်လည် နေရာ ချထားရေးအတွက် လုပ်ငန်းအဖွဲ့အား ဖွဲ့စည်းခဲ့ပြီးနောက် ကချင်ဒေသစစ်ဘေး ရှောင်ပြည်သူများအား ကူညီစောင့်ရှောက်ရေးကော်မတီ(KHCC)နှင့် ညှိနှိုင်းဆောင်ရွက်နေမှုများ၊ ငြိမ်းချမ်းရေး လုပ်ငန်းစဉ်များနှင့် စပ်လျဉ်း၍ ဆွေးနွေးခဲ့ကြောင်း သတင်းရရှိသည်။

(သတင်းစဉ်)

အထူးသတင်း
  • သင်္ကြန်ကာလအတွင်း မှုခင်းဖြစ်ပွားမှု လျော့ကျ‌စေရန် အသိပညာ‌ပေး ပိုစတာစိုက်ထူ
  •           
  • ကြိုးနီ စနစ်ဖယ်ရှား၊ နည်းပညာပြောင်းလဲ၊ လုပ်ထုံးလုပ်နည်း တင်းကျပ်မှုများ ဖြေလျှော့
  •           
  • ဗိုလ်ချုပ်မှူးကြီး မင်းအောင်လှိုင် စာချ၊ စာသင်ဆရာတော် သံဃာတော်များနှင့် သီလရှင်များအား သောတာပန်ဆီလှူဒါန်း
  •           
  • စမ်းသပ်ခြင်း
  •           
  • နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် e-Government ဦးဆောင်ကော်မတီ ပထမအကြိမ် လုပ်ငန်းညှိနှိုင်း အစည်းအဝေးသို့ တက်ရောက်အမှာစကားပြောကြား
  •           
  • မူလတန်းပညာရေးဟာ ပညာရေးစနစ်တစ်ခုလုံးရဲ့ အရေးကြီးဆုံး အခြေခံအုတ်မြစ်
  •