ရွှေ (၁)၊ ငွေ (၄)၊ ကြေး (၂) ဆွတ်ခူးရရှိခဲ့သည့် အောင်ပွဲရ မြန်မာပြေးခုန်ပစ်အသင်း ပြန်လည် ရောက်ရှိ

ရွှေ (၁)၊ ငွေ (၄)၊ ကြေး (၂) ဆွတ်ခူးရရှိခဲ့သည့် အောင်ပွဲရ မြန်မာပြေးခုန်ပစ်အသင်း ပြန်လည် ရောက်ရှိ

ရန်ကုန် မေ ၂၃

ထိုင်းနိုင်ငံတွင် မေ ၁၈ ရက်မှ ၂၁ ရက်အထိ ကျင်းပသော ထိုင်းဖိတ်ခေါ် ပြေးခုန်ပစ်ပြိုင်ပွဲ (Thailand Open Track & Field 2019) ၌ မြန်မာနိုင်ငံ ပြေးခုန်ပစ်အဖွဲ့မှ အေးအေးအောင်က မီတာ(၁၅၀၀ (၄:၅၅.၃၄) ဖြင့် ရွှေတံဆိပ်(၁)ခု၊ ဆွေလီမြင့် မီတာ(၈၀၀) (၂:၁၅.၁၉) ဖြင့် ငွေတံဆိပ်(၁)ခု၊ အေးအေးအောင်/ ဆွေလီမြင့် /သီသီမွန်/အေးအေးသန်းတို့က မီတာ (၄၀၀ x ၄) (၃:၅၈.၀) ဖြင့် ငွေတံဆိပ် (၁)ခု၊ အမျိုးသားမီတာ (၃၀၀၀) တားဆီးကျော် (၉:၅၇.၃၄) ဖြင့် ငွေတံဆိပ် (၁)ခု၊ အမျိုးသား မီတာ (၁၅၀၀)ရှိုင်းအောင် (၄:၀၁.၆၆) ဖြင့် ငွေတံဆိပ်(၁)ခု၊ သီသီမွန်က မီတာ (၄၀၀) (၅၇.၆၀) ဖြင့် ကြေးတံဆိပ်၊ အေးအေးသန်းက မီတာ (၁၅၀၀) (၄:၅၉.၇၄) ဖြင့် ကြေး တံဆိပ်ဖြင့် စုစုပေါင်း ရွှေတံဆိပ်(၁)ခု၊ ငွေတံဆိပ် (၄)ခု၊ ကြေးတံဆိပ် (၂) ခုဆွတ်ခူး ရရှိခဲ့သည်။

အောင်ပွဲရအဖွဲ့ခေါင်းဆောင် ဦးသိန်းသန်းနိုင်(အား/ကာ) လက်ထောက် ညွှန်ကြားရေးမှူးနှင့် မြန်မာပြေးခုန်ပစ်အဖွဲ့သည် ယမန်နေ့ည(၉)နာရီက ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိရာ အားကစားနှင့်ကာယပညာသိပ္ပံ (ရန်ကုန်) ကျောင်းအုပ်ကြီး ညွှန်ကြားရေး မှူး ဦးစိုးအောင်၊ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးအောင်မိုး၊ မြန်မာနိုင်ငံ ပြေးခုန်ပစ် အဖွဲ့ချုပ်ဒုတိယဥက္ကဋ္ဌ ဦးကျော်ကျော်ဦး၊ ဒုတိယဥက္ကဋ္ဌ ဦးကျော်ခင် (နည်းစနစ်ချုပ်)၊ အတွင်းရေးမှူး ဦးကျော်ထူးအောင်နှင့် အမှုဆောင်များ၊ အားကစားနှင့် ကာယပညာသိပ္ပံ(ရန်ကုန်)မှ သင်တန်းသား/သူများက ကြိုဆိုခဲ့ကြသည်။

(သတင်းစဉ်)