“ပြည်သူအတွက် လိုအပ်သောအကူအညီကို ဖြည့်ဆည်းပေးခြင်း” (Public Feedback Program) အစီအစဉ် ကြေညာခြင်း

Ministry of Cooperatives and Rural Development/ Naypyitaw / August 16, 2022

၁။ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ၊ ဝန်ကြီးဌာနတင်ဒါကော်မတီသည် နိုင်ငံတော်စီမံအုပ်ချုပ်ရေးကောင်စီရုံး၏ ညွှန်ကြားချက် ၁/ ၂၀၂၂ နှင့်အညီ ပြည်ထောင်စုဝန်ကြီးရုံး၊ ဦးစီးဌာနများနှင့်တက္ကသိုလ်များတို့၏ တင်ဒါလုပ်ငန်းများကို ကြီးကြပ်ဆောင်ရွက်လျက်ရှိရာ တွေ့ကြုံရသောအခက်အခဲများ ဖြေရှင်းပေးနိုင်ရန်ရည်ရွယ်၍ “ ပြည်သူအတွက် လိုအပ်သောအကူအညီကို ဖြည့်ဆည်းပေးခြင်း ” (Public Feedback Program) အစီအစဉ်တွင် တင်ဒါလုပ်ငန်းများတွင်ပါဝင် ဆောင်ရွက် ခဲ့သည့် ကုမ္ပဏီ/ အဖွဲ့အစည်းများမှ အောက်ဖော်ပြပါမေးခွန်းများကို ဖြေကြားပေးပါရန် မေတ္တာရပ်ခံအပ်ပါသည်-

(က) ဌာနသို့လာရောက်စဉ် ဝန်ထမ်းများ၏ ဝန်ဆောင်မှုကို ကျေနပ်မှုရှိပါသလား၊

( ခ ) လုပ်ငန်းဆောင်ရွက်ရာတွင် အခက်ခဲ၊ အဆင်မပြေမှု ရှိပါသလား၊

( ဂ ) စာရွက်စာတမ်း၊ ငွေသွင်း/ငွေထုတ် အဆင်ပြေမှု ရှိပါသလား၊

(ဃ) ဝန်ထမ်းများအား တံစိုးလက်ဆောင် တစ်စုံတစ်ရာ ပေးအပ်ရခြင်း ရှိပါသလား၊

( င ) တင်ဒါကိစ္စလုပ်ငန်းဆောင်ရွက်မှုများ ပိုမိုအဆင်ပြေချောမွေ့စေရန် ထပ်မံအကြံပြုချက်များ ရှိပါသလား ။

၂။ ကုမ္ပဏီ/ အဖွဲ့အစည်းများ၏ ဖြေကြားချက်များကို သမဝါယမနှင့်ကျေးလက်ဖွံ့ဖြိုးရေး ဝန်ကြီးဌာန၊ ဖုန်းအမှတ် ၀၆၇- ၄၁၀၀၃၁ သို့လည်းကောင်း၊ e-mail လိပ်စာ policy@mcrd.gov.mm သို့လည်းကောင်း ဆက်သွယ်၍ဖြေကြားချက်များကို ပြန်လည်ပေးပို့နိုင်ပါကြောင်း အသိပေးကြေညာအပ်ပါသည်။

တင်ဒါကော်မတီ

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန