အနောက်ပိုင်းတိုင်းစစ်ဌာနချုပ်နယ်မြေအတွင်း ၂၀၂၂ - ၂၀၂၃ ပညာသင်နှစ် ပညာသင်ကြားလျက်ရှိသည့် တပ်မိသားစုဝင် ကျောင်းသား ကျောင်းသူများအား ဒုတိယအကြိမ်ထောက်ပံ့

အနောက်ပိုင်းတိုင်းစစ်ဌာနချုပ်နယ်မြေအတွင်း ၂၀၂၂ - ၂၀၂၃ ပညာသင်နှစ် ပညာသင်ကြားလျက်ရှိသည့် တပ်မိသားစုဝင် ကျောင်းသား ကျောင်းသူများအား ဒုတိယအကြိမ်ထောက်ပံ့

နေပြည်တော် နိုဝင်ဘာ ၂၆   

အနောက်ပိုင်းတိုင်းစစ်ဌာနချုပ်နယ်မြေအတွင်း ၂၀၂၂ - ၂၀၂၃ ပညာသင်နှစ်တွင် တက်ရောက်ပညာသင်ကြားလျက်ရှိသည့် တပ်မိသားစုဝင် အခြေခံပညာကျောင်းသား၊ ကျောင်းသူများကို ကျောင်းဝတ်စုံများ၊ စာရေးကိရိယာများနှင့် အသုံးအဆောင်ပစ္စည်းများ ဒုတိယအကြိမ် ထောက်ပံ့ပေးအပ်ခြင်းကို ယနေ့နံနက်ပိုင်းတွင် အနောက်ပိုင်းတိုင်းစစ်ဌာနချုပ် စစ်တွေတပ်နယ်ရှိ ဗန္ဓုလခန်းမ၌ပြုလုပ်ရာ တိုင်းမှူးဗိုလ်ချုပ်ထင်လတ်ဦးနှင့် တာဝန်ရှိသူများ၊ အရာရှိ၊ စစ်သည်၊ မိသားစုဝင်များနှင့် ကျောင်းသား၊ ကျောင်းသူများ တက်ရောက်ကြသည်။

ဦးစွာ တိုင်းမှူးက အမှာစကားပြောကြားသည်။ ထို့နောက် တိုင်းမှူးနှင့်တာဝန်ရှိသူများက တပ်မိသားစုဝင် ကျောင်းသား၊ ကျောင်းသူများအား ကျောင်းဝတ်စုံများ၊ စာရေးကိရိယာများနှင့် အသုံးအဆောင်ပစ္စည်းများထောက်ပံ့ပေးအပ်ပြီး တက်ရောက်လာကြသူများအား ရင်းရင်း နှီးနှီးလိုက်လံနှုတ်ဆက်သည်။

အလားတူ တိုင်းစစ်ဌာနချုပ်ကွပ်ကဲမှုအောက်တပ်နယ်များ၌လည်း တပ်မိသားစုဝင် ကျောင်းသား၊ ကျောင်းသူများအား ကျောင်းဝတ်စုံများ၊ စာရေးကိရိယာများနှင့် အသုံးအဆောင်ပစ္စည်းများကို တပ်နယ်အလိုက်တာဝန်ရှိသူများက သတ်မှတ်နေရာအသီးသီး၌ ထောက်ပံ့ ပေးအပ်ခဲ့ကြကြောင်း သတင်းရရှိသည်။

သတင်းစဉ်